"Барселона" бош мураббийи Ханс-Дитер Флик матбуот анжуманида жамоа стандарт вазиятлар устида ишлаяптими, деган саволга жавоб берди.
Ҳафта давомида каталонияликлар "Славия"ни 4:2 ҳисобида мағлуб этишди. Ҳар иккала голни ҳам прагаликлар бурчак зарбаларидан сўнг киритишди.
"Прагадаги ўйин ўзгача бўлди, деб ўйлайман. Совуқ эди ва мослашиш учун вақт керак бўлди. Иккинчи гол ўтказиб юборилган вазиятда Левандовскида реакция билдиришга вақт бўлмади. Мен жамоамга ишонаман, чунки биз илгари ҳимояда яхши ўйнаганмиз. Бундан ташқари, "Барселона"да тарихан кўп баланд бўйли футболчилар ўйнамаган - бу вазиятни тўғри бошқариш масаласи," - деди Флик журналистларга.
Якшанба куни "Барселона" ўз майдонида "Реал Овьедо"га қарши баҳс олиб боради.
