"Барселона" бош мураббийи Ханс-Дитер Флик ярим ҳимоячи Гавининг тикланиши ҳақида гапирди.

Хавбек мавсум бошидаёқ операция қилинди. Гави баҳорга яқин сафга қайтиши кутилмоқда.

"Гави анча ривожланди. Унинг учун энг муҳими - иккинчи ёки учинчи қадамни биринчисидан олдин қўймаслик. У бизнинг тиббий штабимизга ишониши керак. Унинг олдинда узоқ карьераси бор ва у шошилмаслиги керак. Агар у февралда қайтса - ҳамма хурсанд бўлади. Лекин энг муҳими, у яхши тайёргарлик билан қайтиши керак. Биз айнан шу устида ишлаяпмиз," - деди Флик матбуот анжуманида.

25 январь, якшанба куни "Барселона" "Реал Овьедо"ни қабул қилади.