"Бавария" мухлисларини ранжитди. Венсан Компани жамоаси ўз майдонида "Аугсбург"га қарши ўйиннинг биринчи бўлими ўрталарида ҳисобни очди, аммо якунда 1:2 ҳисобида мағлуб бўлди. Ушбу мағлубият мюнхенликлар учун Бундеслиганинг жорий мавсумидаги илк мағлубият бўлди.
Эслатиб ўтамиз, "Бавария" сўнгги бор 322 кун олдин - ўтган йилнинг 8 март куни Германия чемпионатида ўз майдонида мағлуб бўлганди. Ўшанда мюнхенликлар "Бохум"га 2:3 ҳисобида имкониятни бой берганди.
Энди Бундеслига жадвалида 2-ўринда бораётган Дортмунднинг "Боруссия" клуби "Бавария" билан орадаги фарқни қисқартириш имкониятига эга бўлди. Ҳозир фарқ 11 очкони ташкил қилади. "Боруссия" кейинроқ Берлиннинг "Унион" клубига қарши майдонга тушади.
