"Астон Вилла" ярим ҳимоячиси Харви Эллиотт жамоа билан "Ньюкасл"га қарши сафар ўйинига йўл олди. Бу ҳақда инсайдер Фабрицио Романо хабар бермоқда.
Таъкидланишича, Эллиотга МЛСнинг "Шарлотт" клубидан таклиф бор, аммо хавбек ҳозирча клубини ўзгартирмоқчи ёки йўқлигини ҳал қилгани йўқ. Охирги марта 22 ёшли футболчи октябрь ойи бошида майдонга тушганди.
"Астон Вилла" ёзги трансфер ойнасида Элиоттни "Ливерпуль"дан ижарага олди. Ўшандан бери футболчи барча турнирларни ҳисобга олган ҳолда еттита учрашувда майдонга тушди ва битта гол урди.
Эллиотнинг мерсисайдликлар билан шартномаси 2027 йилнинг ёзига қадар мўлжалланган. Transfermarkt портали ярим ҳимоячининг нархини 30 миллион еврога баҳоламоқда.













