Мадриднинг "Реал" клуби бош мураббийи Альваро Арбелоа ўз жамоаси таркибининг сифатига юқори баҳо берди.
Шанба куни "қаймоқранглилар" Ла Лига доирасида сафарда "Вильярреал"ни мағлуб этиб (2:0), Килиан Мбаппенинг дубли эвазига қаторасига учинчи ғалабани қўлга киритди.
"Ўйинчиларимиз ақл бовар қилмас даражада. Менинг вазифам уларга озгина йўналиш бериш ва улардан нима кутаётганимни айтиш, холос," - деди 43 ёшли мураббий ўйиндан кейинги журналистлар билан суҳбатда.
Альваро Арбелоа 12 январь куни "Реал" бошқарувига келди - у шу куни истеъфога чиқарилган Хаби Алонсо ўрнини эгаллади.
