"Ливерпуль" испаниялик мутахассис Хаби Алонсони бош мураббийликка таклиф қилмоқчи.
AS хабарига кўра, инглиз гранди Алонсо вакиллари билан аллақачон суҳбат ўтказган. Мураббийнинг ўзи ҳам "Ливерпуль"да ишлаши мумкин бўлган вариантга ижобий қарамоқда.
Аввалроқ, матбуотда "Ливерпуль" жамоанинг амалдаги устози Арне Слот билан хайрлашишга қарор қилгани ҳақида хабарлар тарқалган эди. Яқин кунларда истеъфо расман эълон қилиниши ҳам эҳтимолдан холи эмас.
Эслатиб ўтамиз, Алонсо 2004-2009 йилларда "Ливерпуль" футболчиси бўлган. У жамоа сафида жами 210 та ўйинда майдонга тушиб, 18 та гол урган ва 20 та голли узатмани амалга оширган.
