Франциянинг "Марсель" клуби бош мураббийи Роберто Де Дзерби 18 ёшли ярим ҳимоячи Итан Нванерининг келажаги ҳақида фикр билдирди.
Жорий трансфер ойнасида "Марсель" англиялик хавбекни Лондоннинг "Арсенал" клубидан ижарага олди.
"Итан Нванери энг юқори даражадаги футболчига айланади, бунга ишончим комил. Унинг савияси, ишга бўлган иштиёқи кўриниб турибди. У жуда ажойиб. Тимбер ҳақида ҳам шундай дейиш мумкин," - дея Де Дзербининг сўзларини келтиради журналист Фабрицио Романо.
Нванери "Марсель" сафида Франция чемпионатида "Ланс"га қарши уй учрашувида дебют қилди. У 58 дақиқа ўйнади ва битта гол урди. 19-турдан ўрин олган баҳс мезбонларнинг 3:1 ҳисобидаги ғалабаси билан якунланди.
