Дортмунднинг "Боруссия" клуби марказий ҳимоячиси Нико Шлоттербек келажаги ҳақида фикр билдирди.

"Мен ўзимга қарор қабул қилишнинг охирги муддатини белгиладим. Қачонлигини айтмайман, лекин аниқ ёзгача. Мен бу ерда ўзимни қулай ҳис қиляпман. Бу осон қарор бўлмайди. Мен интуицияга таянадиган одамман. Дадам ва Кевин билан маслаҳатлашиб, кейин бир қарорга келаман. У қандай бўлишини ҳозирча аниқ билмайман," - деди Шлоттербек Sky Sport нашрига.

Шлоттербек "Боруссия" сафида 2022 йилдан буён тўп суриб келмоқда. У жорий мавсум барча мусобақаларда 23 та ўйинда майдонга тушиб, 3 та гол урди ва 2 та голли узатмага муаллифлик қилди.

Футболчининг "Боруссия" билан амалдаги меҳнат шартномаси 2027 йилнинг ярмигача мўлжалланган.