Лондоннинг "Арсенал" клуби ҳимоячиси Рикардо Калафьори "Манчестер Юнайтед"га қарши ўйин олдидан жамоа билан меҳмонхонага етиб келди. Бу ҳақда "Arsenal Team" хабар бермоқда.

Манбага кўра, италиялик ҳимоячи жароҳатидан сўнг тўлақонли машғулотларга қайтган. У жамоага қўшилган бўлса-да, ҳозирча унинг ўйинда иштирок этиши бўйича якуний қарор қабул қилинмаган. Барчаси ўйин бошланишига яқин ҳал бўлади.

Жорий мавсумда Калафьори барча мусобақаларда 20та ўйин ўтказиб, 1та гол урган ва 3та голга ҳаммуаллифлик қилган.