"Манчестер Юнайтед" футболчиси Патрик Доргу клубдаги биринчи йили қандай ўтгани ҳақида гапириб берди.
2025 йил февраль ойи бошида "қизил иблислар" Италиянинг "Лечче" клубидан ҳужумда ўйнай оладиган универсал қанот футболчисини сотиб олди. Трансфер суммаси 30 млн еврони ташкил этган.
"Бир йил - етарлича узоқ муддат ва ҳозир "Манчестер Юнайтед" ва Англияда ўзимни қулай ҳис қилаётганимни айтишим мумкин. Ўйлайманки, бу давр мен учун муваффақиятли кечди. Кўп нарсани ўргандим, ўйин маҳоратимни анча оширдим. Шунчаки бахтли бўлиш, ишлашда давом этиш ва ҳар бир ўйинда яхшироқ бўлиш керак," - дея Доргунинг сўзларини келтиради UtdDistrict.
Бугун Майкл Кэррик жамоаси Лондоннинг "Арсенал" клуби меҳмони бўлади.
