"Ливерпуль" ярим ҳимоячиси Доминик Собослаи "Борнмут"га қарши ўйинда гол урди, аммо жамоасини мағлубиятдан (2:3) қутқариб қололмади.
Венгриялик футболчи 80-дақиқада жарима зарбасидан аниқ зарба йўллаб, узоқ масофадан дарвозани ишғол қилди. Opta хабарига кўра, Собослаи жорий мавсумда "Манчестер Сити" вакили Фил Фодендан кейин жарима майдони ташқарисидан зарба йўллаб, бешта гол урган Премьер-лиганинг иккинчи вакили бўлди. Барча турнирлар ҳисобга олинади.
Эслатиб ўтамиз, "қизиллар"нинг 25 ёшли хавбеки Чемпионлар лигаси доирасида "Марсель"га қарши кечган аввалги баҳсда (3:0) ҳам жарима зарбасидан гол урган эди. 28 январь куни Арне Слот жамоаси яна евро аренада ўйнайди - рақиб "Қорабоғ".
