"Манчестер Юнайтед" ярим ҳимоячиси Бруну Фернандеш Премьер-лиганинг жорий мавсумида ўнта ассист қайд этди.
Португалиялик ўзининг ўнинчи голли узатмасини якшанба куни "Арсенал"га қарши кечган ва "қизил иблислар"нинг 3:2 ҳисобидаги ғалабаси билан якунланган ўйинда амалга оширди. Бунгача фақатгина "Бавария" вакили Майкл Олисе жорий мавсумда Европанинг бешта етакчи лигасида 10+ ассист амалга оширганди. Ҳозирда франциялик футболчи Бундеслигада 14та ассистга эришган.
Ассистентлар рейтингида учинчи ўринда ўша "Бавария"дан Луис Диас (9), кейинги ўринда "Барселона"дан Ламин Ямал (8) бор.
