"Манчестер Юнайтед" Лондонда "Арсенал" устидан қозонилган ғалаба (3:2) билан футбол жамоатчилигини ҳайратда қолдирди.

Брайан Мбеумо, Патрик Доргу ва Матеус Куньянинг аниқ зарбалари эвазига "қизил иблислар" "Эмирейтс"да 3 очко қўлга киритди. Opta маълумотига кўра, "Манчестер Юнайтед" 2018 йил апрелидан буён илк марта Премьер-лига турнир жадвалининг амалдаги пешқадамига қарши сафар ўйинида учта гол урди. Саккиз йил аввал "Манчестер Сити"га қарши ўйинда (3:2) шундай бўлганди - ўшанда жамоани Жозе Моуриньо бошқараётганди.

"Арсенал" устидан қозонилган ғалаба, шунингдек, "МЮ" учун деярли беш йил ичида - 2021 йил мартидан бери чемпионат етакчиси билан меҳмондаги биринчи ғалаба бўлди (Уле Гуннар Сульшер қўл остида жамоа "Манчестер Сити"ни енгган эди - 2:0).

Майкл Каррик 13 январь куни манкунианликлар бошқарувини ўз қўлига олди.