"Манчестер Сити" бош мураббийи Хосеп Гвардиола Чемпионлар лигасининг навбатдаги турида "Галатасарой"га қарши ўйинда жамоага ёрдам бера олмайдиган футболчиларни санаб ўтди.
"Мен биламан, Марк Гехи ўйнай олмайди, Антуан Семеньо ўйнай олмайди, Родри ўйнай олмайди. Нико Гонсалес ҳам, Савио ҳам, Жон Стоунз ҳам тайёр бўлмайди. Рўйхат узун. Умид қиламанки, бизнинг захирадаги футболчиларимиз кучли саккизликка киришга ҳаракат қилиш учун бор кучини беради," - дея Гвардиоланинг сўзларини келтиради City Report.
Мутахассиснинг таъкидлашича, ҳозир ҳамма нарса "Манчестер Сити"га боғлиқ эмас, аммо топ-8га кириш учун албатта ўз ўйинида ғалаба қозониш керак.
Чемпионлар лигаси умумий босқичининг сўнгги туридан ўрин олган "Манчестер Сити" - "Галатасарой" учрашуви 28 январь куни бўлиб ўтади.
