Лондоннинг "Арсенал" клуби бош мураббийи Микель Артета "Манчестер Юнайтед"дан учралган мағлубиятдан сўнг ўз фикрларини билдириб ўтди. Англия Премьер-лигасининг 23-туридан ўрин олган ўйин 2:3 ҳисобида якунланди.
"Мағлубият учун тўлиқ жавобгарликни ўз зиммамга оламан. Бунга қандай муносабатда бўлишимиз муҳим. Бизда ҳаммасини тўғрилаш имконияти бор, чунки тикланиш учун энг яхши жой майдон. Уч кундан кейин яна Чемпионлар лигасида ўйнаймиз," - деди Артета журналистларга.
23-тур якунларига кўра, "Арсенал" 50 очко жамғаришга муваффақ бўлиб, Премьер-лига турнир жадвалида пешқадамлик қилмоқда.
