"Ювентус" бош мураббийи Лучано Спаллетти ҳужумчи Кенан Йилдизнинг ўйинидан яна бир бор ҳайратда қолди.

20 ёшли футболчи А Серия 22-туридан ўрин олган "Наполи"га қарши ўйинда (3:0) "кекса синьора" сафида голлардан бирини киритди.

"Йилдиз - ўзга сайёралик, оддий футболчи эмас. Вақти-вақти билан у оддий одам бўлиб кўриниш учун нимадир нотўғри қилади," - деди Спаллетти DAZN билан суҳбатда.

Туркиялик ёш юлдуз Италия чемпионатининг жорий мавсумида 21 та баҳсда 8 та гол ва 4 та ассистни ўз ҳисобига ёздириб қўйди.