"Барселона" бош мураббийи Ханс-Дитер Флик ҳимоячи Эрик Гарсиянинг ўйинига баҳо берди.

Якшанба куни 25 ёшли футболчи Каталония грандига "Реал Овьедо"ни мағлуб этишга ёрдам берди (3:0).

"Эрик - энг муҳим ўйинчилардан бири, у энг юқори даражани намойиш этмоқда. У ҳимояда ҳар қандай позицияни ёпиши мумкин - биз уни қаерга қўймайлик, у ҳамма жойда яхши. У учун жуда хурсандман," - деди Флик ўйиндан кейинги интервьюсида.

Эрик Гарсия "кўк-анорранглилар"нинг жорий мавсумда энг кўп ўйинида майдонга тушган футболчи ҳисобланади (32).