"Фламенго" Англиянинг "Вест Хэм" клуби ярим ҳимоячиси Лукас Пакетани ўз сафига қўшиб олишга ҳаракат қилмоқда. Бу ҳақда журналист Бен Жейкобс хабар бермоқда.
Аввалроқ, ватанига қайтишни истаган футболчининг ўзи барча шартларни келишиб олганига қарамай, бразилияликлар 40 миллион евролик таклифдан кейин рад жавобини олгани маълум бўлганди. Манбага кўра, "Фламенго" таклиф қилинаётган суммани яна 1 миллионга оширишга тайёр.
28 ёшли Пакета мавсумда 19 та учрашувда 5 та гол урди ва 1 та голли узатмани амалга оширди.
