"Реал"нинг собиқ ҳужумчиси ва мураббийи Хорхе Вальдано Альваро Арбелоа қўл остидаги жамоа ўйинидаги устунликларни таъкидлаб ўтди.
"Арбелоа футболчиларнинг ўзига бўлган ишончини ошириш вазифасини аъло даражада уддаламоқда.
"Вилярреал"га қарши ўйинда (2:0) жамоа кўрсатган мотивация ажойиб эди.
Футболчилар бутун ўйин давомида - 1-дақиқадан 90-дақиқагача тўлиқ жипсликда ҳаракат қилишди. Бу нарса Хаби Алонсо даврида бўлмаган.
Алонсо даврида футболчилар 20-25 дақиқа давомида мураббийнинг кўрсатмаларини бажаргандек туюлди, кейин эса жамоа парчалана бошлади. Натижада у ёмон ўйин кўрсатди", - деди Хорхе Вальдано.













