"РБ Лейпциг" клуби қанот ҳужумчиси Ян Диомандега "Манчестер Сити" қизиқиш билдирмоқда. Бу ҳақда журналист Флориан Плеттенберг хабар бермоқда.
Манбага кўра, "Лейпциг" 19 ёшли истеъдоди учун 100 миллион евро талаб қилмоқда, чунки клубнинг мақсади янги трансфер рекордини ўрнатишдир. Айни пайтда "РБ Лейпциг" тарихидаги энг катта сотув айнан "Манчестер Сити"га 88 миллион еврога тушган Йошко Гвардиол бўлиб турибди.
Диоманде жорий мавсумда барча мусобақаларни қўшиб ҳисоблаганда 19 та ўйинда майдонга тушиб, 7 та гол урди ва 6 та голли узатмани амалга оширди.
"Transfermarkt" портали маълумотларига кўра, Диоманданинг бозор нархи 45 миллион еврога тенг.
