Матбуотда "Ливерпул" аллақачон Арне Слотни бошқа мураббийга алмаштириш ҳақида қарор қабул қилгани ҳақида ёзишмоқда. Мерсисайдликларни келаси ёзда яқинда "Реал" бошқарувидан кетган Хаби Алонсо қабул қилиб олиши мумкин. Indykaila News хабарига кўра, жума куни "Ливерпуль" Алонсо бўйича музокаралар ўтказган.
"Ливерпул" Испаниядаги махфий жойда Хаби Алонсо вакиллари билан учрашув ўтказди," - дейилади хабарда.
Манбага ишонадиган бўлсак, томонлар Алонсонинг тактик қарашлари тафсилотлари ва ёзги трансфер мақсадларини муҳокама қилишган. Унга Микки ван де Вен, Адам Уортон, Брэдли Барколя, Майкл Олисе каби футболчилар таклиф этилди.
Ҳозирда "Ливерпуль" Премьер-лига жадвалида олтинчи ўринни эгаллаб турибди.
