"Реал"нинг юлдуз ҳужумчиси Винисиус Жуниор келажагини имкон қадар тезроқ ҳал қилмоқчи. Унинг устувор вазифаси Мадрид суперклуби билан шартномани узайтириш. Бироқ, "қаймоқранглилар" Винисиуснинг бир мавсум учун 30 миллион евро сўрашини ортиқча деб ҳисобламоқда.
El Nacional нашрининг ёзишича, Винисиус масаланинг чўзилишини истамаяпти, шунинг учун у "Реал"га ультиматум қўйди. Клуб апрель ойига қадар шартнома билан боғлиқ вазиятга жавоб бериши керак. Агар "қаймоқранглилар" унинг маошини жиддий оширишга рози бўлмаса, Винисиус кетишга тайёр бўлади.
Қайд этилишича, Винисиус музокараларда "Реал"га босим ўтказиб, бошқа клубларнинг баъзи таклифлари ҳақида гапирган.
25 ёшли Винисиуснинг "Реал" билан амалдаги шартномаси 2027 йилнинг ярмигача мўлжалланган.
