"Real"ning yulduz hujumchisi Vinisius Junior kelajagini imkon qadar tezroq hal qilmoqchi. Uning ustuvor vazifasi Madrid superklubi bilan shartnomani uzaytirish. Biroq, "qaymoqranglilar" Vinisiusning bir mavsum uchun 30 million yevro so‘rashini ortiqcha deb hisoblamoqda.
El Nacional nashrining yozishicha, Vinisius masalaning cho‘zilishini istamayapti, shuning uchun u "Real"ga ultimatum qo‘ydi. Klub aprel oyiga qadar shartnoma bilan bog‘liq vaziyatga javob berishi kerak. Agar "qaymoqranglilar" uning maoshini jiddiy oshirishga rozi bo‘lmasa, Vinisius ketishga tayyor bo‘ladi.
Qayd etilishicha, Vinisius muzokaralarda "Real"ga bosim o‘tkazib, boshqa klublarning ba’zi takliflari haqida gapirgan.
25 yoshli Vinisiusning "Real" bilan amaldagi shartnomasi 2027 yilning yarmigacha mo‘ljallangan.
