"Вильярреал" ҳимоячиси Хуан Фойт жароҳати сабаб узоқ муддатга сафдан чиқди.
28 ёшли футболчи Ла Лиганинг 21-туридан ўрин олган "Реал"га қарши шанба кунги ўйиннинг (0:2) биринчи бўлимида жароҳат олди.
Текширув натижаларига кўра, Фойтнинг чап оёғида Ахиллес пайи ёрилган, унга жарроҳлик амалиёти керак бўлади. Marca хабарига кўра, Аргентина терма жамоаси аъзоси мавсумнинг қолган қисмини ўтказиб юборади.













