21 ёшли ҳужумкор ярим ҳимоячи Фер Лопес "Вулверхэмптон"ни тарк этиб, Ла Лигага қайтди. Бундан буён у яна "Сельта" сафида тўп тепади, у жорий футбол мавсуми якунига қадар ижарага ўтди.
Эслатиб ўтамиз, Лопес асли мадридлик бўлса-да, профессионал футболдаги фаолиятини айнан "Сельта"да бошлаган ва у ерда асосий таркиб футболчисига айланган. 2025 йилнинг ёзида Лопес "Вулверхэмптон" футболчисига айланди, "бўрилар" уни 23 миллион еврога сотиб олишди.
Шунга қарамай, Англияда АПЛнинг асосий аутсайдери сифатида Лопеснинг омади келмади. Ёш футболчи "бўрилар"нинг кетган етакчиларига ўринбосар бўла олмади ва атиги 12 та расмий ўйинда майдонга тушиб, битта голли узатмани амалга оширди.
"Сельта" Примера жорий мавсумида еврокубоклар йўлланмаси учун кураш олиб бормоқда. Галисияликлар еттинчи ўринда ва 32 очкога эга.
