Ёзги трансферлар вақтида "ПСЖ" жорий мавсумни "Барселона"да ижара асосида ўтказаётган "Манчестер Юнайтед" вингери Маркус Рэшфордни сотиб олишга уриниб кўриши мумкин.
Football Insider нашри тарқатган хабарга кўра 28 ёшли ҳужумчига "ПСЖ" анчадан буён қизиқиш билдирмоқда. Агар "Барселона" ижара муддати тугагач, 30 миллион еврога сотиб олиш опциясини фаоллаштира олмаса, ёзда парижликлар футболчи учун курашга қўшилиши кутилмоқда. Шу билан бирга, Рэшфорднинг ўзи "Барселона"да қолишни исташи таъкидланмоқда.
Каталонияликлар сафида футболчи барча мусобақаларда 30 та ўйинда майдонга тушиб, 8 марта рақиблар дарвозасини ишғол қилди ва 12 та голли узатма муаллифига айланди.
