"Марсель" раҳбарияти баёнот бериб, унда Париж префектураси полициясининг шу шанба куни бўлиб ўтиши режалаштирилган "Париж"га қарши ўйинда жамоа мухлисларининг иштирок этишини тақиқлаш қарорини танқид қилди.
Ҳокимият қарорига кўра, ўзини "Марсель" мухлиси деб таништирган ҳар қандай шахсга ўйин куни стадион яқинида бўлиш ва пойтахт бўйлаб ҳаракатланиш тақиқланади.
Клуб ушбу тақиқни бекор қилиш ва мухлисларига ўйин куни жамоани қўллаб-қувватлаш имконини бериш учун аллақачон судга апелляция берган.
"Биз мухлисларнинг стадионда бўлишининг асосий тамойилини ҳимоя қилиш ва мухлисларимизнинг овози бўлишда давом этиш учун барча мавжуд ҳуқуқий воситалардан фойдаланиш ниятидамиз", - дейилади клуб баёнотида.
