2025 йил -75 кг вазн тоифасида Жаҳон чемпионлигини қўлга киритган ёш истеъдод эгаси Фазлиддин Эркинбоев Ўзбекистон бокс федерацияси матбуот хизматига интервью берди.
- Фазлиддин Ўзбекистон чемпионатида қатнашмаган бўлсангиз ҳам кузатганлигингиз аниқ?
- Албатта, ҳар доимгидек жуда қизиқарли жанглар бўлди.
- Вазн тоифангиздаги рақобат борасида нима дейсиз?
- Жиддий кечди. Ҳар бири чемпион бўлишга ҳаракат қилди. Умуман уларнинг ҳаракатлари ёқди. Айниқса, чемпион бўлган Жавоҳир Абдураҳимов яхши таассурот қолдирди.
- Саиджамшид Жафаров каби жиддий рақибни икки бор мағлуб этдингиз. Қайси бири сиз учун қийинроқ кечди?
- Саиджамшид ака жуда тажрибали, ҳар иккиси ҳам осон бўлгани йўқ. Бироқ барибир биринчи тўқнашувимиз қийин кечди.
- Халқаро мусобақаларда энг кўп тўқнаш келадиган ва уни ҳаракатларини ёд биладиган рақибингиз бор(ми)...?
- Ҳа, бор. туркиялик Султан Османли билан турли ёш тоифаларида дуч келганмиз. Ливерпулдаги жаҳон чемпионатида ҳам уни мағлуб этгандим.
- Кутилаётган халқаро мусобақаларда сиз учун асосий рақиб ким бўлиши мумкин?
- Халқаро мусобақаларда барча рақиблар қийин бўлади. Лекин алоҳида таъкидлаш керак бўлса, қозоғистонлик Сабиржан Аккаликовни айтган бўлардим.
- Сизга фақат омад тилаймиз!
- Раҳмат.
