Ўз вақтида "Ливерпуль"да ўйнаган Жейми Реднапп "қизиллар"нинг кадрлар масаласида фикр юритди.
Собиқ ярим ҳимоячининг фикрича, "Ливерпуль" раҳбарияти трансфер бозорида фаолроқ бўлиши керак, чунки жамоада жароҳатлар кўп.
"Уларда умуман футболчилар йўқдек таассурот уйғонади. Уларга янги футболчилар керак, Слотга бу борада ёрдам керак. Агар уларда яна бир-иккита жароҳат бўлса, жиддий муаммолар юзага келади," - дея мутахассиснинг сўзларини келтиради Sky Sports.
Англия Премьер-лигасининг 23-туридан кейин мерсисайдликлар 36 очко билан турнир жадвалида олтинчи ўринда бормоқда.
