ПСВнинг хорватиялик вингери Иван Перишич тез орада Миланнинг "Интер" клубига қайтиши мумкин.
Журналист Экрем Конурнинг ёзишича, 36 ёшли футболчи "нерадзуррилар" сафига ўтиш арафасида турибди. Перишич собиқ жамоаси билан 2027 йилгача мўлжалланган шартнома имзолаши мумкинлиги айтилмоқда. Битим кейинги ҳафтадаёқ бутунлай ёпилиши мумкин.
Перишич 2015 йилдан 2022 йилгача "Интер" шарафини ҳимоя қилган. Ўтган йилнинг ёзидан бери вингер ПСВ шарафини ҳимоя қилмоқда. Бу мавсумда футболчи Нидерландия клуби сафида 27 та ўйинда майдонга тушиб, 5 та гол урди ва 10 та голли узатмани амалга оширди.
Transfermarkt портали маълумотларига кўра, Перишичнинг бозор нархи 1,3 млн еврони ташкил қилмоқда.
