Дортмунднинг "Боруссия" клуби тез орада Бразилиянинг "Крузейро" клуби шарафини ҳимоя қилаётган қанот ҳимоячиси Кауан Пратес билан шартнома имзолайди. Бу ҳақда журналист Патрик Бергер ўзининг ижтимоий тармоқлардаги саҳифасида ёзмоқда.
Манбага кўра, 17 ёшли ҳимоячи аллақачон "асаларилар" билан шартнома шартларини келишиб олган - у 2031 йилгача мўлжалланган. "Крузейро" "Боруссия"дан бонус тўловлари билан бирга 12 млн евро олади.
Қайд этилишича, келишув мавсум якунига яқин ёпилади ва ёзда Пратес янги клубига ўтади.
Ёш ҳимоячи "Крузейро"нинг асосий жамоасида 2025 йилнинг май ойидан бери тўп тепиб келмоқда. У 15 та ўйинда майдонга тушиб, битта гол уришга муваффақ бўлди.
