Англиянинг "Эвертон" клуби шарафини ҳимоя қилаётган 27 ёшли ҳужумчи Бетунинг Италия А Сериясида ишлаш варианти бор.

Манбага кўра, футболчининг трансферига Туриннинг "Ювентус" клуби қизиқиш билдирмоқда. "Кекса синьора" ҳужумчини 2025/2026 йилги мавсум охиригача ижарага олишни режалаштирмоқда.

Ижара муддати тугагач, Турин гранди Бетуни сотиб олиши мумкин бўлади. Қайд этиш жоиз, футболчининг бозор нархи 20 миллион еврони ташкил этади.

Жорий мавсумда форвард "ирислар" сафида 26 та учрашув ўтказиб, 3 та гол уришга муваффақ бўлди. Футболчининг инглиз клуби билан меҳнат шартномаси 2027 йил июнь ойи охирида тугайди.