"Манчестер Сити" бош мураббийи Пеп Гвардиола ҳужумчи Эрлинг Холанд жамоасининг ўйини туфайли гол ура олмаётганини айтди.

25 ёшли норвегиялик футболчи сўнгги тўққизта ўйинда фақат бир марта - "Брайтон" дарвозасига пенальтидан гол урган. Голсиз серия бешта ўйинга етди.

- Холанд ҳали ҳам қаттиқ чарчоқ ҳис қиляптими?

- Кўрамиз. Унинг гол урмаётганининг сабаби - жамоа. Жамоа яхшироқ ўйнаши, кўпроқ вазиятлар яратиши керак ва у гол уради.

Ҳужумчиларга ҳеч қачон паст баҳо берманг, чунки улар ҳар доим сизни жим бўлишга мажбур қилади. У умрининг охиригача гол уради, бу аниқ," - деди Пеп.

Чоршанба куни "Сити" Чемпионлар лигаси умумий босқичининг сўнгги турида "Галатасарой"ни қабул қилади.