Матбуотда "Барселона" яримҳимоячи Фермин Лопес билан янги шартнома борасида келишиб олгани ҳақида хабарлар тарқалди. Бу борада каталонияликлар бош мураббийи Ханс-Дитер Флик изоҳ берди.
"Менимча, клуб ажойиб иш қилди. У катта футболчи, турли позицияларда ҳаракат қила олади. У ҳар бир ўйинда ажойиб менталитетга эга. У тўп билан ҳам жуда яхши ишлайди. Унинг биз билан узоқ вақт қолишидан хурсандман. Академия футболчилари асосий таркибга тушса - айни муддао. Ўйлайманки, у ҳар бир кунидан завқ олади", - деди Флик матбуот анжуманида.
"Барселона" Чемпионлар лигаси доирасидаги "Копенгаген"га қарши уй учрашувига тайёргарлик кўрмоқда. У 28 январь куни бўлиб ўтади.
