"Барселона" бу ойда Харри Кейн учун норасмий сўров юборди. Каталонияликлар инглиз ҳужумчиси билан боғланиб, ёзги трансфер имкониятини чамалаб кўрди. Бироқ Кейннинг вакиллари бундай вариантни рад этишди. Бу ҳақда The Touchline хабар бермоқда.
Аввалроқ, "Бавария" спорт директори Макс Эберль Кейн билан шартномани узайтириш бўйича музокаралар олиб борилаётгани ҳақида гапирганди.
Матбуотда 32 ёшли Кейн "Бавария" билан 2027/2028 йилги мавсум охиригача ёки ҳатто 2028/2029 йилги мавсум охиригача мўлжалланган шартнома имзолаши мумкинлиги ҳақида ёзишмоқда.
Transfermarkt портали Харри Кейнни 65 миллион еврога баҳоламоқда.













