Поль Погбанинг қайтиши у кутгандек бўлмади. Монегасклар ярим ҳимоячини ўтган ёзда ўз сафига қўшиб олган эди. Клубдагилар футболчи дисквалификация туфайли узоқ вақт йўқ бўлганидан кейин формага кириши учун вақт керак бўлишини тушунишди, аммо жараён чўзилиб кетди - француз майдонда жами 30 дақиқа ўтказди. Gazzetta dello Sport хабарига кўра, энди "Монако" жаҳон чемпиони билан ҳамкорликни муддатидан олдин тўхтатиш имкониятини кўриб чиқмоқда. Шартнома 2027 йилнинг ёзига қадар мўлжалланган, бироқ у анча олдинроқ бекор қилиниши мумкин.

Март ойида Поль Погба 33 ёшга тўлади. Айни дамда футболчи навбатдаги жароҳатидан тикланмоқда.