2025/2026-йилги мавсум Италия кубоги 1/8 финал босқичи доирасида «Фиорентина» ҳамда «Комо» ўртасида учрашув бўлиб ўтди. Сеск Фабрегас шогирдлари мазкур ўйинда 3:1 ҳисобида иродали ғалабага эришди.

Учрашувнинг 7-дақиқасида Флоренция клуби ҳужумчиси Роберто Пикколи ҳисобни очди. 20-дақиқада «Барселона»нинг собиқ футболчиси Серхи Роберто мувозанатни тиклади. 60-дақиқада аргентиналик ярим ҳимоячи Николас Пас «Комо»нинг иккинчи голини урди. 90+1-дақиқада эса испаниялик Альваро Мората ўйиндаги якуний ҳисобни ўрнатди.

Шу тариқа, «Комо» Италия кубогининг 1/4 финалига йўл олди, «Фиорентина» эса мусобақадаги иштирокини якунлади. Чорак финалда Фабрегас шогирдлари «Наполи»га қарши майдонга тушади.

Италия кубоги, 1/8 финал
Фиорентина (Флоренция) — Комо (Комо) - 1:3
Голлар: 1:0 — Пикколи (7), 1:1 — Серхи Роберто (20), 1:2 — Николас Пас (60), 1:3 — Альваро Мората (90+1)