Италиянинг "Милан" клуби собиқ устози Фабио Капелло ўтган йилнинг ёзида Симоне Индзагининг тўрт йиллик цикли якунлангач, "Интер"ни қабул қилиб олган Кристиан Киву ҳақида илиқ фикрлар билдирди. Капелло Кивунинг фаолиятидан ҳайратда.
"Менга унинг клубга киритган янгиликлари ёқди, масалан, "Лечче" билан қолдирилган ўйин олдидан дам олиш куни. У кийиниш хонасини жуда яхши "эшитади", бу унинг катта ютуғи. Футболчилар эса, ўз навбатида, бундай мураббийга панд бера олмасликларини ҳис қилишади. Ва панд бермаслик учун ҳамма нарсани қилишади," - дея Капеллонинг сўзларини келтиради pianetamilan.it.
Эслатиб ўтамиз, "Интер" Италия чемпионатида "Милан"ни 5 очкога ортда қолдириб, пешқадамлик қилмоқда.
