"Комо" Италия кубоги чорак финалига чиқди, нимчорак финалда Сеск Фабрегас жамоаси "Фиорентина"ни 3:1 ҳисобида мағлуб этди. Шундай бўлса-да, испаниялик мураббий ўйиндан унчалик қониқиш ҳосил қилмади, унинг фикрича, бу шогирдлари ижросидаги энг яхши ўйин бўлмади.
"Ўйинни ёмон бошладик, "Фиорентина" хавфли ҳаракат қилди. Бу турнирда "Фиорентина" каби муаммоли жамоалар ҳам хавфли. С Серия клубига эса ютқазиш мумкин. Ва бу бизнинг энг яхши ўйинимиз эмас эди. Бошқа томондан, тезкор гол киритганимиз яхши бўлди, бу ўйинни назорат қилиш имконини берди" - дея Фабрегаснинг сўзларини келтиради fiorentinanews.com.
Энди "Комо" чемпионатда "Аталанта"га қарши баҳс олиб боради.
