"Монако" бош мураббийи Себастьен Поконьоли жамоанинг Чемпионлар лигаси 8-туридан ўрин олган Туриннинг "Ювентус" клубига қарши ўйини ҳақида гапирди.
"Монако" ва "Ювентус" ўртасидаги ўйин 28 январь куни Монте-Карлода бўлиб ўтади.
"Ҳар бир жамоанинг ўз динамикаси бор, бизники эса сўнгги икки ой давомида яхши ҳолатда эмас, "Ювентус"нинг ишлари анча яхши кетмоқда," - дея мутахассиснинг сўзларини келтиради УEФА матбуот хизмати.
Унинг қайд этишича, монаколиклар мавсумни ўзгартириш имкониятига эга бўлиш учун ушбу ўйин олдидан жипслашиши муҳим. Аввалги учрашувда "Монако" Мадриднинг "Реал" клубига 1:6 ҳисобида имкониятни бой берганди.
