"Челси" қишки трансфер ойнасида "Ренн" марказий ҳимоячиси Жереми Жакени сотиб олишга ҳаракат қилади.
Франция клуби 20 ёшли футболчини мавсум ўртасида қўйиб юборишни истамаяпти, аммо "кўклар" таслим бўлмаяпти ва ўз даъволарини давом эттирмоқда.
Журналист Флориан Плеттенбергнинг сўзларига кўра, Лондон клуби вакиллари трансфер ойнаси ёпилгунга қадар француз футболчисини сотиб олиш учун фаол иш олиб бормоқда. Ҳозирда барча томонлар учун мақбул ечим изланмоқда.
Transfermarkt Жереми Жакенинг нархини 20 миллион евро деб баҳоламоқда, аммо аввал хабар қилинганидек, "Ренн" 65 миллион евродан 70 миллион еврогача сўрамоқда.
"Бавария" ҳам футболчини сотиб олишга қизиқмоқда, аммо ҳали музокараларни бошламаган.
