Миланнинг "Интер" клуби ҳимоячиси Дензель Дюмфриснинг қайтиш муддати ҳақида маълумот пайдо бўлди.
Журналист Паскуале Гуарро хабарига кўра, Дюмфрис икки ҳафта давомида умумий гуруҳ машғулотларига қўшилиши керак. Қайд этилишича, футболчи 22 февраль куни бўлиб ўтадиган "Лечче"га қарши ўйингача сафга қайтиши мумкин. Дюмфрис "Ювентус"га қарши ўйин қайдномасига киритилиши эҳтимоли бор (15 февраль), аммо унинг майдонга тушиши даргумон.
Жорий мавсумда 28 ёшли Дюмфрис барча мусобақаларда 15 та учрашувда майдонга тушиб, 3 та гол урди ва 1 та голли узатмани амалга оширди.
