"Ювентус", "Лацио" ва бошқа клубларнинг собиқ яримҳимоячиси Микаэль Лаудруп Диего Марадонанинг боғичларини ечиб ўйнаганини эслади.

"Ўша пайтларда майдонларда ўйнаш қийинроқ эди, Марадона эса одатда уч-тўрт рақиб қуршовида қоларди. Унга ҳужум қилишарди, лекин у ниҳоятда чаққон эди, агар уни йиқитишса, дарҳол ўрнидан турарди.

У "Наполи"да бўлганида унга қарши ўйинни эслайман - ўйин олдидан майдонга тушишни кутаётгандик, 21 футболчи турарди, шу пайт Марадона майдонга тушди. Стадионда 80 мингга яқин одам бор эди ва тахминан олти дақиқадан сўнг ҳимоячиларимиздан бири унга қўполлик ишлатди. У ўрнидан турганда, бутсасининг боғичлари боғланмаганини пайқадим.

Боғичларини ечиб, худди кўчада ўйнаётгандек олти дақиқа ўйнади! Фантастика", - деди Лаудруп.