"Yuventus", "Lasio" va boshqa klublarning sobiq yarimhimoyachisi Mikael Laudrup Diyego Maradonaning bog‘ichlarini yechib o‘ynaganini esladi.

"O‘sha paytlarda maydonlarda o‘ynash qiyinroq edi, Maradona esa odatda uch-to‘rt raqib qurshovida qolardi. Unga hujum qilishardi, lekin u nihoyatda chaqqon edi, agar uni yiqitishsa, darhol o‘rnidan turardi.

U "Napoli"da bo‘lganida unga qarshi o‘yinni eslayman - o‘yin oldidan maydonga tushishni kutayotgandik, 21 futbolchi turardi, shu payt Maradona maydonga tushdi. Stadionda 80 mingga yaqin odam bor edi va taxminan olti daqiqadan so‘ng himoyachilarimizdan biri unga qo‘pollik ishlatdi. U o‘rnidan turganda, butsasining bog‘ichlari bog‘lanmaganini payqadim.

Bog‘ichlarini yechib, xuddi ko‘chada o‘ynayotgandek olti daqiqa o‘ynadi! Fantastika", - dedi Laudrup.