Миланнинг "Интер" клуби ярим ҳимоячиси Николо Барелла жароҳати сабаб Чемпионлар лигаси доирасидаги "Боруссия"га қарши ўйинни ўтказиб юборади. Бу ҳақда Италия клуби матбуот хизмати хабар бермоқда.
Бареллада ўнг тизза ости мускулининг чўзилиши аниқланди. Италиялик юлдузнинг тикланиш муддати ҳозирча номаълум. Аввалроқ, "нерадзуррилар" бош мураббийи Кристиан Киву матбуот анжуманида Барелланинг 28 январь куни бўлиб ўтадиган ўйинда майдонга тушмаслигини айтиб ўтганди.
"Интер" 12 очко билан мусобақа жадвалида 14-ўринда бормоқда. "Боруссия" эса 11 очко билан 2 поғона пастда бормоқда. Жорий мавсумда 28 ёшли Барелла 29 та ўйинда майдонга тушиб, 1 та гол урди ва 6 та голли узатмани амалга оширди.
