"Челси" бош мураббийи Жозе Моуриньонинг айтишича, клуб бразилиялик ҳимоячиси Давид Луизни "Барселона"га сотиш ниятида эмас.
"Луиз "Барселона"да? Нималар деяпсиз. Улар шунчаки вақтларини бекорга сарфлашяпти. Уларга рўйҳатларидаги иккинчи футболчи билан шуғулланаверишни маслаҳат бераман, чунки ҳозир фақат ўзларининг вақтларини йўқотяптилар.
Энг яхши футболчиларимиздан ажралишни хоҳламаймиз", деди Моуриньо.
Аввалроқ "Челси" Луиз учун 35 миллион фунт тўлашга тайёр бўлган "Барселона"нинг таклифи рад этганди.
Эслатиб ўтамиз, Англия чемпионатининг ўтган мавсумида бразилиялик ҳимоячи 30 ўйинда майдонга тушиб, 2та гол муаллифи бўлганди.
