"Реал" Чемпионлар Лигаси умумий босқичининг 8-турида "Бенфика" меҳмони бўлиб, 2:4 ҳисобида имкониятни бой берди.

Мадридликлар сафида Килиан Мбаппе дубль қайд этди. Франциялик футболчи 30 ва 58-дақиқаларда гол урди. Ўйин охирида "қаймоқранглилар" бир киши кам бўлиб қолди - 90+2-дақиқада Рауль Асенсио қизил карточка олди.

Лиссабонликлар сафида Андреал Шельдеруп дублга эришди. Яна бир голни Вангелис Павлидис пенальтидан киритди. Ўйин охирида тўртинчи голни "Бенфика" дарвозабони Анатолий Трубин жарима зарбасидан кейин боши билан урди.

"Бенфика" 9 очко билан 24-ўринда плей-оффга чиқди. 15 очкоси бор "Реал" 8 таликдан тушиб қолди ва 9-ўринни эгаллади.

Бенфика - Реал - 4:2

Голлар: Мбаппе, 30 (0:1). Шельдеруп, 36 (1:1). Павлидис, 45 - пенальтидан (2:1). Шельдеруп, 54 (3:1). Мбаппе, 58 (3:2). Трубин, 90 (4:2)

Бенфика: Трубин, Даль, Отаменди, Араужу, Дедич, Эурснес, Баррейру, Шельдеруп (Силва, 90), Судаков (Барренечеа, 83), Престианни (Регу, 87), Павлидис (Иванович, 90)

Реал: Куртуа, Каррерас (Диас, 79), Хёйсен (Алаба, 79), Рауль Асенсио, Вальверде, Беллингем, Тчуамени (Камавинга, 55), Арда Гюлер (Сестеро, 79), Винисиус Жуниор, Мбаппе, Мастантуоно (Родригу, 55)

Огоҳлантиришлар: Баррейру, 11. Даль, 85 - Тчуамени, 3. Рауль Асенсио, 45. Хейсен, 62. Каррерас, 67. Родригу, 90

Четлатишлар: Рауль Асенсио, 90 (иккинчи сариқ карточка). Родригу, 90 (иккинчи сариқ карточка)