Мадриднинг "Реал" клуби ярим ҳимоячиси Жуд Беллингем Чемпионлар лигаси доирасидаги "Бенфика"га (2:4) қарши ўйиндаги муваффақиятсизликка муносабат билдирди.
Лиссабондаги муваффақиятсизлик Альваро Арбелоа жамоасини 1/8 финалга тўғридан-тўғри йўлланмадан маҳрум қилди - "қаймоқранглилар" плей-оффда ўйнашлари керак бўлади.
"Бенфика" кучлироқ эди. Рақиб кучлироқ ҳаракат қилар, яхшироқ ҳужум қилар ва ҳар бир яккама-якка тўқнашувда ғалаба қозонарди. Одатда, бизга ўзимизнинг индивидуал маҳоратимиз, йўқдан бор қилиш қобилиятимиз ёрдам беради, аммо бугун бундай эмас эди. Жуда оғриқли мағлубият. Биз бундай бўлишини кутмаган эдик. Бошқа гапим йўқ. Бу ҳақда гапиришга арзийди, деб ўйламайман, аммо вазият яхши эмас," - дея Беллингемнинг сўзларини келтиради Madrid Universal.
