"Арсенал" яримҳимоячиси Тео Уолкотт "Ливерпуль" ҳужумчиси Луис Суареснинг Лондон клубига ўтиши ҳақидаги хабарларга муносабат билдирди. Бу ҳақда "Sky Sports" хабар тарқатган.
"Суарес "Арсенал"га ўтса, шубҳасиз у жамоани кучайтирган бўларди. Агар бу амалга ошмаса ҳам биз кучли жамоа бўлиб қолаверамиз. Буни биз ўтган мавсумнинг охирги 9та ўйинида намойиш қилдик. Энди янги мавсум бошида шунчаки барқарорликка эриша олишимиз керак.
"Арсенал"да юқори даражадаги футболчилар йиғилган. Бош мураббий ўзи таклиф этаётган футболчиларга ишонади ва улар ўзларининг энг яхши ўйинларини кўрсатадилар", деди Уолкотт.
