"Барселона" бош мураббийи Ханс-Дитер Флик Чемпионлар Лигасидан ўрин олган "Копенгаген"га (4:1) қарши ўйиндан сўнг Маркус Рэшфорд ҳақидаги саволга жавоб берди.
Айнан англиялик вингер 85-дақиқада жарима зарбасидан аниқ зарба йўллаб, ҳисобни йирик кўринишга олиб келди. Ўйин якунига 13 дақиқа қолганида 28 ёшли футболчи захирадан майдонга тушганди.
"Мен Рэшфорддан жуда мамнунман. Тезлик, якун, назорат. У ҳақиқатан ҳам ажойиб фазилатларга эга," - дея Фликнинг изоҳларини келтиради журналист Фабрицио Романо.
"Барселона" Чемпионлар Лигаси умумий босқичида бешинчи ўринни эгаллади ва турнирнинг 1/8 финалига йўл олди.
Маркус Рэшфорд "кўк-анорранглилар" сафида "Манчестер Юнайтед"дан ижара асосида тўп сурмоқда.
